“JANET! Babalik ako! Hintayin mo ako, ah?” sabi ni Zack habang unti-unti itong lumalayo kay Janet.
“Oo!” sagot naman niya.
Tumalikod siya. Mamaya ay narinig niya ang boses ni Zack na wari nasasaktan. Marahas siyang humarap dito. Nanlaki ang mga mata niya nang makitang may matulis na bagay na nakatulos sa dibdib ni Zack. Lumuwa kaagad ito ng dugo, ngunit dilat ang mga matang nakatitig sa kanya. Sandali siyang naparalisa. Inalipin siya ng nakakapanlumong sakit. Nag-uunahan na sa pagpatak ang kaniyang mga luha dahil sa labis na pagpuyos ng kaniyang damdamin.
“Zack!” mamaya ay sigaw niya.
Patakbong sinugod niya ito ngunit nang abot kamay na niya ito ay bigla itong naging si Raven. “M-Mommy...” bigkas nito habang lumuluhang nakatitig sa kanya.
Nabaling ang tingin niya kay Zack na may isan
