WALANG tigil sa pagpatak ang luha ni Janet habang tinatanaw niya ang punpon ng puting rosas na pinaanod niya sa dagat. Iyon ang paraan niya upang tuluyang mapalaya ang kanyang pagdalamhati. Handa na siyang tanggapin ang bagong buhay at harapin ang panibagong hamon.
“Sana, mapatawad mo ako. Alam ko na ginawa mo ang lahat para sa relasyon natin at mananatili sa puso ko ang magagandang alaala na iniwan mo kahit ano pa man ang naging resulta. Salamat sa lahat. Salamat sa pagmamahal. Salamat din at ibinigay mo sa akin si Raven,” emosyunal na wika niya.
“Janet...”
Pinahid niya ang kanyang luha saka awtomatikong hinarap ang lalaking nagsalita sa likuran niya. Dala na ni Zack ang order niyang fruit salad.
“Magpalamig muna tayo. Nasa gym pa si Raven at Dwen,” ani ni Zack.
Napangiti siya. Haba
