PINALAGPAS ni Zack ang mga sinabi sa kanya ni Erman. Sanay na rin siya sa mga isyo na ibinabato sa kanya. Tanggap na rin niya ang mga negatibong pananaw sa kanya ng ibang mas nakababata sa kanya. Kinagabihan ay dinalaw niya sa laboratory si Alessandro. Kasama nito si Rafael at Devey. Nagkukuwentuhan na lang ang mga ito habang nakaharap sa malaking incubator na may lamang bampira. Naalala niya, ang bampirang nasa loob ng incubator ay ang batang lalaki na nasagip nila sa panig ng kaaway noong ni-raid nila ang isa sa laboratory ng mga ito. Malaki na ito ngayon. Noong huling dalaw niya rito ay nagkabas ng bula ang bibig.
“Sino ba ang batang iyan?” tanong niya sa mga kasama. Ang tagal niyang nawala kaya medyo nakalamutan na niya ang batang iyon.
“May kaugnayan siya sa lalaking nakakulong sa c
