"Bakit hindi ka makapagsalita?" pasinghal nitong tanong sa akin habang gigil sa pagbigkas ng mga salita ang kaniyang bibig.
"Wala ka ng pakialam pa doon, Hendrick." matigas kong sagot sa kaniya. Sinubukan kong itulak siya palayo sa akin para makaalis ngunit hindi ko nagawa. Mas lalo lamang niya akong ikinulong gamit ang kaniyang mga bisig.
"Hindi ka na ba kayang buhayin ng matandang pinakasalan mo kaya ka nandito ngayon nagpapakahirap magtrabaho? Wala na ba siyang maipakain sa iyo?"
Hindi niya pala alam na patay na ang matandang 'yon. Sa dami niyang pera hindi niya man lang nagawang magpa-imbestiga. Nauna pa ang galit niya kaysa alamin ang katotohanan. Nakilala niya ako ng halos isang taon pero sa isang iglap lang hinusgahan niya na kaagad ang aking pagkatao.
Hinayaan ko na lamang siya
