"Tay, malayo pa ba?" tanong ni Devon habang nakatuntong sa estribo ng truck ng basura at nakakapit sa ibang bahagi nito.
"Konting tiis na lang anak, malapit na tayo." tugon ni Satur.
"Aling Salome ang gaganda ng bahay dito noh. Grabe, mukhang mayayaman lahat ng nakatira dito." saad ni Sally habang palinga-linga sa magkabilang panig ng kalsada.
"Eh paano ko naman makikita eh likod mo lang ang nakikita ko?" tugon ni Aling Salome.
"Ay sorry po." wika ni Sally. Bahagya itong gumilid upang bigyan ng puwang si Aling Salome na makita ang loob ng subdibisyon.
"Malapit na po tayo mga ma'am sa pupuntahan po n'yo. Kamag-anak n'yo po ba 'yun?" turan ng driver ng truck.
"Ah eh hindi. Kaibigan lang namin." tugon ni Salome.
"Siguro po napakayaman nu'ng kaibigan n'yo na 'yun, sila ang may pinakam
