“Matagal mo na bang kilala si G… si Sir Gabriel?” tanong ni Sam. Kamuntikan pa niyang masabi ang pangalan ni Gabriel, mabuti na lang at hindi niya nadiretso. Yaman din lang na hindi siya nito hinayaang makapagpaliwanag ay sinakyan na lang niya ito.
“Ako matagal ko na siyang kilala kaya lang mailap siya, sa tuwing gusto ko siyang kausapin ay iniiwasan niya ako. Pero alam ko pa hard to get lang siya. Sa ganda kong ‘to? Tiyak na may gusto rin siya sa akin.”
“Paano kapag may iba pala siyang gusto?”
“Gagawin ko ang lahat mapasa akin lang siya. Kaya ikaw, kung gusto mo ng pera ay gawan mo na ng paraan na magkausap kami. Mag-set ka ng date o sabihin mo may kliyenteng gustong kumausap sa kanya,” utos pa ni Olie kay Sam. Talagang desidido siyang makuha si Gabriel.
“Titingnan ko kung ano ang mag
