CHAPTER 43
"R-Ronniel, hindi ko kakayanin kung may mangyaring masama kay Aria at sa apo ko," wika ni Major Ariel sa kanya nang makita nitong tapos na siyang makipag-usap kay Manang Rosa.
Agad ang pagtiim ng kanyang mukha dahil sa mga sinabi nito. Maging siya man ay hindi kakayanin kung sakaling may mangyaring masama sa kanyang mag-ina. Hindi niya alam kung ano ang kanyang magagawa oras na saktan ni Kier si Arianna, lalo na ang kanyang anak na si Rafael.
Ayon kay Manang Rosa ay tumawag ang guard sa may bungad ng subdivision kung saan nakatira ang mga Buenaventura. Nagkaroon daw ng palitan ng putok ng baril sa pagitan ng dalawang sasakyan. At nang malapitan ng mga ito ang sasakyang naiwan sa daan ay napagtanto ng mga bantay sa subdivision na sasakyan ng mga Buenaventura iyon.
Naroon daw
