NANG GABING din iyon ay isinagawa ni Georgina at ng kaniyang mga kapatid ang kanilang binuong plano. Nang makarating sila sa lugar napaggaganapan ay hindi agad sila lumabas ng van na sinasakyan. Binuksan ni Wesley ang computer nito at tinawagan ang isa sa mga tauhan na kasalukuyan nang nasa loob ng auction.
Nakaupo si Georgina sa loob ng van kasama ang mga kapatid, suot niya ang isang gown na halos iluwa na ang kaniyang dibdib at mayroong isang malaking hiwa sa laylayan ng damit na siyang nakapagpalitaw ng kaniyang makinis na binti. Inaayusan siya ni Calixta at pinagpatungan ng makapal na make up sa kaniyang mukha.
“How is it?” tanong ni Calixta at inabutan siya ng isang maliit na salamin. “Wala na atang makakakilala sa'yo niyan.” Mahina itong tumawa.
“I don’t mind, kung makilala nil
