TAHIMIK lang si Rena habang lulan ng chopper na si Erman ang piloto. Kasama niya sa back seat sina Charie at Janet. Nagkukuwentuhan ang dalawa. Mag-isa naman siya sa kabilang upuan. Curious talaga siya kay Janet. Pansin niya sa safe house pa lang na close ito kay Erman. Habang nakamasid siya sa dalawa kanina ay kumikirot ang puso niya.
Kahit nang makarating na sila sa academy ay si Janet ang sinabayan ni Erman sa paglalakad. Nahuli siya kasunod ni Charie. Dumeretso kaagad siya sa kanyang kuwarto at naligo. Kahit anong aliw niya sa kanyang isip ay ginugulo pa rin siya ng damdamin niya. Nasasaktan siya habang iniisip na baka nga ayaw na sa kanya ni Erman.
Pagkatapos niyang maligo ay nakapagdesisyon siya. Kakausapin na niya si Erman at pilitin na mapag-usapan nila ang nagdaang relasyon n
