NAPAPADALAS ang pagpaparamdam ni invisible man kay Rena. Hindi rin niya ito tinantanan ng mga tanong kung ano pa ang nalalaman nito sa buhay niya. Nawindang siya nang matuklasan na patay na pala ang daddy niya, o mas tamang sabihin na pinatay.
Naroon siya sa gym nang abalahin siya ng lalaki. Nakaluklok siya sa bench at humahagulgol. Sa kabila ng kaluputan ng daddy niya, hindi siya kailanman nag-iwan ng sumpa rito. Naninikip ang dibdib niya, naroon ang sakit na hindi niya maikakaila. Nagtataka rin siya bakit hindi kaagad nasabi ni Erman an tungkol sa daddy niya kung alam pala nito ang nangyari.
“Maybe Erman afraid to tell you the truth or he just forgot,” sabi pa ng lalaki.
Naramdaman niya ang presensya nito sa kanyang harapan. Naintindihan naman niya ang posibleng dahilan ni Erman kaya
