PAMILYAR kay Erman ang ibon, maging ang aura nito. Hindi siya maaring magkamali, ang ibon na iyon ang nakita niya noon na umaaligid sa rest house niya. Nakaakpagtaka. Bakit naroon na naman ito? Hindi siya mapakali.
Inatake ng nerbyos si Rena matapos inatakehin ng ibon. Mabuti na lang hindi ito nasaktan. Kuwento nito, ganoong ibon din ang umatake rito noon sa safe house na ikinasugat ng braso nito.
“Parang iyon din ang ibon na umatake sa akin noon,” giit nito.
Nakaluklok na sila sa lupa na sinapinan niya ng malalapad na dahon. Nakadikit lang ito sa kanya, ayaw bumitiw sa braso niya habang iniikot niya ang letchon na nakadarang sa apoy. Nasa gilid lang ang apoy para hindi masunog ang karne. Sa ilalaim nito ay ang nagbabaga nang panggatong.
“Marami talagang mababangis na hayop sa lugar na
