"Galit ka pa rin ba?" Nahihiyang tanong ni Aya na tumabi kay Yuan sa kinauupuan nito. Ilang araw na siya nitong iniiwasan. Sa tuwing pupunta siya sa bahay nito ay lagi itong wala o 'di kaya'y hindi siya hinaharap. Hindi rin sinasagot ang mga tawag niya. Talagang natiis siya nito. Kaya gumawa siya ng paraan ngayon para makausap ito. Tinawagan niya isa sa mga kaibigan nito na si Harvey para magpatulong. Agad siya nito pinapunta sa Motor Race Track dahil nandoon daw lahat ng barkada at nakikipagkarera.
Nakita niya kung paano kumarera ng motor si Yuan. Nakakatakot. Parang anumang oras maari itong sumemplang at maging sanhi ng malubhang injury. Sa buong durasyon ng motor race ay nakapikit lang dahil hindi makayanan ng sikmura niya ang sobrang takot na makita si Yuan na tila sinasaniban ng demo
