Nakatingin lang si Aya mga kaklaseng lumalabas sa kanilang classroom. Uwian na pero pinaiwan siya ni Isaac sa hindi niya malamang rason. Seryoso ang mukha nito habang nagtuturo. Nakita pa nila kung paanong nadurog sa daliri nito ang chalk na tila may pinipgil na galit. Nakakapanibago dahil hindi ito gano'n, sa katunayan ay paborito ito ng mga estudyante dahil para lang itong barkada nila.
Silang dalawa na lang ang naiwan sa classroom. Nang matapos ito sa pagbubura sa blackboard ay hinarap siya nito. Hindi ito nagsalita. Nakatingin lang sa kanya. Hindi niya alam kung galit ba ang mababakas sa mata nito. At kung gano'n nga, bakit? Wala siyang maisip na dahilan na ikakagalit nito sa kanya. Nagawa naman niya ang assignments niya. Hindi naman mababa ang nakuha niyang score sa long test nito.
