Mag-iisang oras ng naghihintay si Yuan sa labas ni eskwelahan ni Aya, bitbit ang bulaklak at stuff toy para mapaamo ito. Nagtampo kasi ito sa nangyari no'ng gabi 'yon kaya ilang araw na siyang hindi kinikibo nito. Hindi man lang sumasagot sa tawag o text niya.
Kanina pa maraming estudyanteng nakatingin sa kanya. Kinikilig, namumula ang mukha habang nakatingin sa kanya. Asiwang-asiwa na talaga siya. Hindi siya sanay sa gano'ng atensyon. Gusto niyang batukan ang sarili kung bakit ginagawa niya ang kabaliwan nito. Para siyang tanga sa mga bitbit. Pero ano'ng magagawa niya? Hindi naman niya matitiis ang nobya. Tatlong araw pa nga lang na hindi niya ito nakikita ay parang nababaliw na siya, ano pa kaya kung madagdagan pa.
Inayos niya ang pagkakatayo nang makita na isa si Aya sa mga naglab
