Napahinto si Aya sa akmang pagpasok sa study room nang mapansin na tila seryosong nag-uusap ang Mommy niya at ang ate Ariane niya. Noong nakaraang mga araw pa dumating ang mga ito at gaya ng dati sandamakmak na pasalubong na naman ang natanggap niya. Alam niyang dinadaanan lang ng mga ito sa material na bagay ang mga kakulangan sa kanya. Mamahaling relo, damit at gadgets - alin sa mga nabanggit ay wala siyang ma-appreciate. Sapat na sana sa kanya na magsama-sama sila sa isang hapunan, mapayapa at masayang kumakain. Kung sabagay hindi naman mahirap gawin iyon. Pero bakit sa pamilya tila kay hirap gawin?
"C'mon Ariane! Palawakin mo ang isip mo, this is the only way to save our life!" Mariing wika ng kanilang ina. Nakatalikod man ito sa gawi niya ay batid niyang nag-i-igtingan na ang ugat n
