Napakunot-noo si Aya nang may nakitang malaking truck van sa labas ng bahay ni Yuan at may naghahakot ng mga gamit mula sa loob.
Bumangon ang kaba sa kanyang didbdib. Aalis ba si Yuan? Walang pag-alinlangan na pumasok siya sa loob ng bahay nito. Gusto niya itong makita kahit pagtabuyan man siya nito. Handa siyang ibaba ang pride niya para magkabalikan lang sila. Hindi niya ito matiis. Patatawarin niya ito sa nagawang kasalanan.
Natagpuan niya si Yuan sa kuwarto nito na nakaupo sa dulo ng kama nito. Nakasubsob ang mukha nito sa mga palad nito.
"Yuan.."
Nagulat siya nang tumingin si Yuan sa gawi niya. May malaking pasa ito sa gilid ng labi at mata. Putok rin ang kilay nito. Agad niya itong dinaluhan. Lumuhod siya sa harapan nito at masuyong hinawakan ang mukha nito. "A-ano'ng nangyari?"
