Humarap si Aya sa salamin. Kakahilamos lang niya ng mukha matapos ang ilang minutong pag-iyak sa loob ng banyo.
Nagkulong siya doon. Inilabas ang lahat ng hinanakit. Pakiramdam niya kanina ay pinuputol na ni Yuan ang lahat ng posibilidad na mag-uugnay sa kanila.
Para na rin siyang sinipa nito palayo sa buhay nito. Selfish si Yuan. Puro nararamdaman na lang nito ang iniintindi nito. Oo nasakatan at nagdusa ito! Bakit siya ba hindi? Bakit tila kay hirap kay Yuan na makinig sa kanya?
"Aya, nag-aalala na kami sa'yo, hindi ka pa ba lalabas diyan?" Si Manager ang nasa labas ng banyo. Kinatok siya nito.
"Lalabas na po ako, sir Gab."
"Doon ka na lang namin hintayin sa swimming pool."
"Okay, pupunta na lang po ako do'n."
"Bilisan mo diyan."
Narinig niya ang palayong yabag ni Manager Gab. M
