Iniwan siya ni Kenzo sa tatlong babae na kung tignan siya ay para lamang siyang basura sa paligid. Ang mga mata nila, dumudulas sa luma niyang blouse, sa maong na kupas, sa sapatos na pudpod.
“Huwag na tayong mag-aksaya ng oras sa kanya. Hindi ganyan ang mga tipo ni Kenzo,” maarteng saad ng isa sa tatlong babae. Ang boses, matinis. Ang pilikmata, makapal. Hindi niya alam ang pangalan ng dalawang iba pa, basta iyong isa, Raven ang pangalan at girlfriend iyon ni Kenzo. Pero hindi iyon ang kasama nitong nag-swimming party sa mansyon noong isang araw. Ibang babae ang kasama ni Kenzo.
Kung ganoon, womanizer si Kenzo. Kaya hindi na siya magtataka pa kung bakit ganoon na lang ang pag-aalala ng Don dito. Nag-iisang apo ito at nag-iisang tagapagmana. Baka kung kaninong babae lang ito mapikot. B
