NAPATIIM-BAGA si Corbin nang makita kung sino ang papasok sa restaurant. Si Eliza. Hindi ito nag-iisa. May kasama itong gwapo at matipunong lalaki na nakasuot lang ng simpleng t-shirt at kupasing jeans na mayroong butas sa bandang tuhod. Masasabi niyang higit itong mas bata kesa kay Eliza.
Ilang beses na niyang nakita si Eliza na may kasamang iba’t-ibang lalaki pero hindi siya na threaten isa man sa mga ito. Only this time. May nakakapa siyang paninibugho sa kanyang puso. Malamig sa pa sa yelo ang pakikitungo ni Eliza sa kung sino mang kaharap nito – partikular sa mga lalaki. Hindi ito nakikitaan ng anumang emosyon pero sa mga sandaling iyon habang kaharap ang lalakeng kasama nito ay maaliwalas itong nakangiti.
Pagkatapos ng gabing pinagsaluhan nila ay halos mabaliw-baliw siya sa kahahan
