HULING araw na nang pananatili ni Eliza sa Negros. Bukas na nang madaling araw ang flight niya pabalik ng Maynila. Hindi na natupad ang plano niya na mag-relax dahil araw-araw siyang ginagambala ni Corbin. Wala talaga itong balak na sumuko kahit na anong pagtatabuyan niya rito. Tila hindi ito nag-aalala sa naiwang trabaho sa Maynila.
Hindi lingid sa kanyang kaalaman na isang undercover agent si Corbin. Hawak nito ang kaso tungkol sa pagpatay kay Ronald Roxas at sa babae nito. Wala itong kaalam-alam na nasa harapan lang nito ang salarin. Sa uri nang trabaho niya ay dapat alam niya kung sino ang kalaban at dapat iwasan.
Mula sa salamin na bintana ng kanyang opisina ay nakita niya si Corbin na nasa bakuran at pinalilibutan ng mga bata na mataman na nakikinig dito habang tumatawa. Nagkukwent
