"Nauna na po sila sa shop, Ma'am," sabi sa akin ng isa sa mga maid. Alas-otso pa lang ng umaga at kagigising ko lang. Madaling araw na kasi akong nakatulog, kakasagot sa ilang mga inquiries.
Sumabay pa ang paghahanap ko ng bagong location para sa itatayo naming branch sa bandang Mandaluyong.
Gusto ko kasing itabi sa cafe ang gusto kong simulan na luxury bags and shoe shop. Ito ang first shop ko kung papalarin. Pero habang wala pa namang puwesto, sa online shop na lang muna ang transactions.
Ang sabi nila, okay din daw ang live selling. Susubukan ko siguro, basta matapos lang ang ilan sa mga inaasikaso ko.
PAGKATAPOS kong nag-almusal naghanda na din ako. Pagkatapos kong magbihis, I took a selfie and posted it on my social media account.
Suot ko ang ilan sa mga bago naming paninda
