"Magugustuhan mo 'yung nahanap namin ni Amanda na bahay. Hindi gaano kalakihan pero magiging komportable kayo. Isang sakay lang siya papuntang Divisoria," patuloy sa pagsasalita si Lily kahit na sa may bintana ng sinasakyan naming taxi ang tingin ko.
Napapatingin ako sa daan. Nagbabakasakali na baka makita ko si Manang Myrna.
Iniisip ko kung saang building ba niya ako nu'n dinala. Natitiyak kong pagmamay-ari iyon ng kaniyang amo.
Kagabi ko pa pilit na inaalala pero wala talaga akong maalala. Kahit street sa malapit. Kung bakit hindi ko man lang nu'n tinignan ang bawat nadadaanan naming kalye.
Suminghot ako at nagpunas ng luha. Pinipigilan ko namang huwag maiyak pero masakit e.
Gusto kong makita ang anak ko.
Inakbayan ako ni Lily. "Magpakatatag ka, okay? Magdasal ka palagi," paa
