NAIINIS si Iza nang makita ang pagkaing pinadala sa kanya ni Argius. Wala siyang ganang kumain dahil kulang siya sa tulog. Dahil sa nakakikilabot na naramdaman niya noong gabi ay sa sala siya nahiga at magdamag na nanood ng movie sa Youtube. Wala namang nakarinig sa sigaw niya. Mabuti umilaw rin at nawala ang kilabot niya. Binasa niya ang sticky note na nakadikit sa takip ng Tupperware.
Sorry about last night. I missed you.
Argius.
Napangiwi siya. Inalis niya ang note saka pinilit kinain ang pagkain na hindi niya malasahan. Maganda lang tingnan ang pagkain pero hindi masarap. Naiinis man ay pilit pa rin niyang iniintindi si Argius. Umaasa siya na magbabago rin ito.
Noong umaga lang ay tinawagan siya ni Antonio at nakiusap na naman ito sa kanya. Inalok pa siya ng isang milyon para lang
