TINATAMAD bumangon si Iza dahil sa sakit ng ulo at nahihilo pa siya. Epekto pa rin ito ng hangover. Naroon na siya sa kanyang kuwarto. Alas-otso na ng umaga pero nakahilata pa rin siya sa kama. Nagugutom siya pero tinatamad siyang kumilos para magluto.
May kumakatok sa main door. Nagpumilit siyang bumangon at nagsuot ng pajama. Tinungo niya ang pintuan at binuksan. Si Victor ang napagbuksan niya ng pinto. May bitbit itong dalawang paper bag.
“Almusal n'yo po, ma'am,” sabi nito, seryoso.
Ang una niyang pinansin ay ang pasa nito sa gilid ng labi. “Ano'ng nangyari sa mukha mo?” curious niyang tanong.
“Nasuntok ako ng ex-boyfriend mo, ma'am,” nakangiwing sagot nito.
Ginupo siya ng kanyang konsensiya. Si Victor pala ang kasuntukan ni George. Akala niya si Argius. Imposible kasi nasa Italy
