KABADO si Iza matapos siyang suriin ulit ni Dr. Cuervo. Ayaw niya na mapurnada pa ang pag-alis nila ni Argius papuntang Spain. Mabuti na lang pumayag ang doktor na bumiyahe na siya pero habilin nito na inumin niya sa tamang oras ang gamot hanggang maubos ang nasa resita.
Pagbalik na lang daw niya ang susunod na pagsusuri. Pero tiniyak naman nito na mas bubuti pa ang pakiramdam niya sa kanyang leeg sa mga susunod na araw. Tinandaan naman niya ang basic exercise na itinuro ng therapist niya. Gagawin niya lang iyon sa bawat paggising niya.
Excited na siya’ng mag-explore sa ibang bansa kaya pagkatapos ng consultation niya kay Dr. Cuervo ay nag-impake na siya. Nakaluklok siya sa kama habang nagtutupi ng damit nang biglang may kumalampag sa bintana.
Kumislot siya at kaagad napatayo. Humawi an
