HININTAY ni Iza na makatulog si Argius saka sinubukan niyang gamitin ang landline na nasa study room. Invalid lahat ng numerong nai-dial niya. Hindi pala puwede sa international call ang landline. Nagagamit lang ito sa buong mansiyon.
Paano ngayon niya masasabi sa papa niya na nasa Italy na siya? Mag-aalala iyon. Hindi pa siya nakatawag dito simula noong umalis siya ng Lipa. Nangako pa naman siya na tatawag kaagad siya rito sakaling nasa Italy na siya.
May sampung minuto na siyang nakaupo sa swivel chair nang napansin niya na wala na ang librong tiningnan niya noong isang araw. Iyong libro tungkol sa demon. Tumayo siya at hinanap ito sa bookshelves, wala na talaga.
“Iza?”
Kumislot siya nang marinig ang boses ni Argius. Tumakbo siya pabalik sa kuwarto. Palabas na sana ng pintuan si Arg
