BAGO bumalik ng Maynila ay humirit pa si Argius na pasyalan nila ulit ang puntod ng kan’yang ina. Magpapaalam lang daw ito. Ito ang nagsindi ng kandila na nakatulos sa lapida. Hindi naman ito nagdadasal pero kinausap ang puntod.
“We will go to Italy, Mama. I will borrow your daughter,” paalam nito.
Napangiti si Iza. Pinapanood lang niya ang binata habang nakatayo siya sa likuran nito. Maya-maya ay kumislot siya nang dampian ng maalinsangang hangin ang kaniyang katawan. Napalinga siya sa gawing kaliwa. Namataan niya ang pamilyar na bulto ng ginang na nakatayo sa harap ng puntod limang dipa ang layo sa kanila.
Nakasuot ito ng itim na bestida at may itim na belo sa ulo. Her presence feels familiar, especially with her veil swayed backward. Nahagip ng paningin niya ang pamilyar na peklat sa
