NAIINIP na sa bahay si Iza kaya nang tumawag sa kanya si Argius ay sinabi niya na papasok na siya. Lunes na pero hindi pa nagpakita sa kanya ang binata. Ang sabi ay Linggo ang uwi nito. Nainis siya dahil hindi ito nagpakita kung talagang dumating ito ng Linggo.
Pagdating niya sa accounting office ay nagtataka siya bakit may nakaupo na sa puwesto niya. Isang babaeng siguro nasa thirty something ang edad. Seryoso ito sa binabasang papeles. Nilapitan niya si Garcilia.
“Sino siya?” pabulong na tanong niya kay Garcilia.
“Si Ms. Agnes, bagong accounting manager,” sagot nito, pabulong din.
Nawindang siya. Pinalitan na pala siya na walang maayos na turn over? Saan na siya pupuwesto? O baka tuluyan na siyang tinanggal ng CEO o kaya ililipat siya sa mas mababang puwesto. Ayaw paawat sa kaba ang
