WALANG imik si Iza habang lulan ng kotse ni Argius. Katabi niya itong nakaupo sa may backseat. Nakabuntot naman sa kanila ang kanyang bodyguard at driver lulan ng SUV.
Pagod na ang kanyang katawan, ginugupo na rin siya ng antok. Pero hindi naman niya matutulan ang imbitasyon ni Argius na mag-dinner sila sa restaurant. Nakapipikit na siya nang may mainit na kamay na dumampi sa kanyang kamay na nakapatong sa kanyang hita.
Napatingin siya kay Argius. Seryosong nakatitig ito sa kanya. Pagkuwan ay marahang hinaplos nito ang makinis niyang pisngi.
“You look exhausted, are you alright?” tanong nito sa paos na tinig.
“Uhm, inaantok lang ako,” tugon niya.
“Don’t worry, after dinner, I’ll take you home.” Matipid itong ngumiti.
Tumango lang siya.
Italian restaurant pa rin ang napili ni Argius
