NAKATULOG sa biyahe si Iza. Nang magising siya ay nakalapag na ang eroplano. Tinatamad siyang bumangon mula sa kama pero nariyan na si Argius at sinusundo siya. Hindi niya naramdaman ang presensiya nito sa kuwarto, siguro dahil sa himbing ng tulog niya. Bago siya natulog ay nagpaalam ito na kakausapin si Antonio. Pagkatapos nilang nagmeryenda nang hapon ay natulog na siya.
“We're here, honey!” nakangiting sabi nito.
Bumaba na siya ng kama at inayos ang kanyang dress. Sinuklay lang niya ng daliri ang kanyang buhok saka inisang tali. Isinukbit kaagad niya ang kanyang shoulder bag. Kumapit siya sa kanang braso ng binata at sabay na silang lumabas.
Gabi na pala. Pinauna siya ni Argius na bumaba at inalalayan naman siya ng naka-all black na lalaki na nakaabang sa ibaba. Malawak ang paliparan
