PAGKATAPOS ng tanghalian ay umalis ang papa ni Iza at si Elena. Pinadala niya sa papa niya ang ibang gamit niya na hindi na nagagamit para mapakinabangan naman ng mga ito.
Nagtulungan naman sila ni Argius sa pagliligpit ng kalat at mga hugasin. Ang loko, natuto nang mag-asar. Bakit kasi nagkuwento pa rito ang papa niya tungkol sa kakatwang childhood experiences niya? Sa dami ng puwedeng ikuwento ay yaong hinabol pa siya ng baka at naligo sa putikan.
“Bakit kasi naisip mong hilahin ang dede ng baka?” natatawang sabi ni Argius.
Ito ang nagsasabon ng mga plato ay siya ang nagbabanlaw.
“Eh curious nga ako. Ginagatasan kasi ng lolo ko ang inahing baka na iyon. Katatapos lang niyon manganak. Sa paanan niya ako pumuwesto. Natuwa ako kasi ang daming gatas na lumalabas. Kasi, nagalit siya at
