LALONG ginanahang magluto si Iza dahil sa maya-mayang paglalambing sa kanya ni Argius. Magkatuwang nilang inaayos ang mga gulay na dala ng kanyang ama. Karamihan sa gulay ay native din, na malamang ay hindi kilala ni Argius.
Isa-isa nitong tinitingnan ang mga gulay, katulad ng talbos ng kalabasa, sitaw, okra, at ang maliliit na ampalaya. May bunga rin ng kalabasa. Kompleto rekado para sa penakbet.
“These vegetables look weird,” komento nito.
Natawa siya. “Karamihan sa mga iyan ay dito lang makikita sa Pilipinas.”
“Paano ito lutuin?”
“Ihahalo ang mga gulay na iyan, igigisa sa bagoong.”
“Anong bagoong?” curious nitong tanong.
“Uh… binuro na isdang maliliit.”
“Paano ‘yon?” kunot-noong tanong nito.
“Ah basta. Magluluto rin ako nito mamaya para may gulay tayo. Gusto mong matikman?”
K
