PANAKA-NAKANG sinusulyapan ni Shea si Eldridge. Ang seryoso pa rin kasi nito simula kanina. Bumuntong-hininga siya pagkuwan ay inilibot ang kanyang paningin sa paligid. Nang makaramdam ng panunubig ay ipinasya niyang pumunta sa CR. Inilapit niya ang mukha kay Eldridge para marinig siya nito.
"Punta lang ako sa ladies room."
Tumango lang ito. Wala ng imik na tumayo na siya at nagtanong-tanong sa ilang waiter kung nasaan ang ladies room.
"Nasa loob po ng mansion, Ma’am. Pagpasok niyo po sa lanai, kumaliwa po kayo. May pinto po kayong makikita roon. 'Yon na po ang ladies room."
"Thank you po," aniya sa waiter bago binaybay ang sinabi nitong direksiyon.
Hindi rin naman siya roon nagtagal. Paglabas niya ay nakasalubong pa niya si Jelly. Nginitian kaagad siya nito.
"Can we talk?" nakangiti
