ISANG white silk na dress ang suot ni Shea ng gabing iyon sa Graduation Ball na ginanap sa campus gym. Regalo pa iyon sa kanya ng kanyang Mama Isabel. Umabot ang tabas niyon hanggang sa tuhod niya. Sa suot niyang iyon ay namuti siyang lalo at lumitaw ang ganda. Hindi rin pumayag sina Margaux at Shaira na hindi siya lagyan ng makeup. Kinulot pa ng mga ito ang buhok niya na nakalaylay lang sa isa niyang balikat. Nagbigay lalo iyon sa kanya ng stunning look ng gabing iyon.
"Ang tagal namang mag-start. Nagugutom na ako," reklamo ni Shaira.
"Sinabi na kasi sa iyo na kumain muna tayo bago pumunta rito."
"Margaux, naririnig mo ba 'yang sinasabi mo? Eh, ‘di hindi ako nagkasya dito sa super sexy red dress ko?"
"Magdusa 'yang tiyan mo."
"Awat na," sabad niya sa pagtatalo ng dalawa.
Tiningnan n
