MATAPOS ang makapigil hiningang pagsasayaw nila ni Eldridge na talagang kinainggitan at kinainisan ng lahat na babae na naroon ngayon sa Gym, masayang nagpasalamat ito.
"Thank you for this wonderful night, Shea."
Nginitian niya ito. "Welcome." Hanggang nang mga sandaling iyon ay hindi pa rin siya maka-move on sa ginawa nito.
Kahit nabasa ang suot niyang dress ay hindi na iyon big deal sa kanya. Lalo na at pinalakas ni Eldridge ang kompiyansa niya sa sarili ng gabing iyon. Hinayaan lang niya ang coat nito na nakabalabal sa kanya.
"My gosh, Shea. Nakakakilig 'yung ginawa ni Eldridge," impit na sabi ni Margaux nang makabalik siya sa table nila. Inihatid pa siya nito.
Hindi tuloy siya makatingin sa binata dahil kaliwat kanan ang usap-usapan tungkol sa ginawa nito. Napaka-sweet talaga nito
