KAHIT medyo inaantok pa si Shea ay napilitan na rin siyang magmulat ng mga mata. Kanina pa kasi sa patuloy na pagtunog ang kanyang alarm clock. Naka-set iyon ng alas otso y media ng umaga.
Napangiti siya nang maalala kung ano ang mayroon ng araw na iyon. Tapos na ang limang araw na paghihintay. Makikita na niyang muli si Eldridge.
Bumangon na siya at inayos ang sarili. Saktong paglabas niya ng banyo ay siyang tunog naman ng message alert tone ng kanyang cellphone. Excited na tiningnan niya kung sino ang nag-text. Si Elena lang pala.
Napabuntong-hininga siya. Akala niya si Eldridge na. Binasa niya ang text.
Shea, ‘wag kang mawawala bukas. Engagement party… May hindi pa ako nasasabi sa iyo. At bago ang iba, sa iyo ko gustong i-share itong nararamdaman ko sa taong nakatakdang ipakasal sa
