PAGKA-PARK ni Shea ng kanyang kotse sa labas ng mansion nina Elena ay hindi muna siya bumaba. Sinipat muna niya ang kanyang sarili sa maliit na salamin. Gusto lang niyang masiguro na maayos siyang tingnan.
Kinuha niya ang pouch nang makuntento sa kanyang ayos, pagkuwan ay bumaba na rin. Hindi naman siya masyadong na ipit sa traffic dahil dumaan siya sa may fly over from Makati to Alabang. Natagalan lang siya ng kaunti ay sa pagpasok ng Madrigal Street patungong Ayala Alabang Village dahil na rin sa rush hour. Kaya naman maraming sasakyan. Idagdag pa ang ilang stop light na nadaanan niya sa Ayala Alabang. Palagi siyang naaabutan. Pero over all hindi naman siya totally late.
"Good evening, Ma'am," magalang na bati sa kanya ng security guard sa may gate ng madaanan niya ito.
"Good evening
