Chapter Thirty Eight
MAYUMI
“TATAWAGAN ko si Leo para sunduin siya,” nagmamadaling nagdial si Lara ng numero ng kanyang asawa habang nakaharang lang si Ruby at pati na rin si Kyla sa may pintuan.
“Kakausapin ko lang siya ate. Mag-uusap lang kami,” nagtangka siyang tumayo.
“Saka mo na siya kausapin kapag hindi ka na lasing,” ani Ruby.
“Hindi. Mag-uusap lang kami, hindi ako … lasing,” nakatayo na siya at nginitian pa ako.
“Hi mahal. Namimiss mo na ba ako.. hik,” nasinok pa siya.
Yung mga mata niya ay pipikit na sa kalasingan. Hindi ako sanay na makita siyang nalalasing dahil sa tuwing may inuman, siya lang lagi ang naiiwang mukhang normal sa kanilang lahat.
“Mag-usap nmana tayo Yumi,” sumeryoso ang tinig niya.
Nagpumilit siyang pumasok at dahil mas malakas siya ay nakapasok na siya
