KALALABAS mula sa cabin si Monaliza ng nakasalubong si Gladia.
“Kumusta naman ang mga tauhan mo?” hindi ito sumagot pero napahinto sa paglalakad. “Kung obsessed ka kay Matt, huwag mo akong idamay. Hindi mo ako kilala lalong wala kang alam kung ano ang kaya kong gawin.” bago nagpatuloy sa paglalakad.
Dumeretso siya sa coffee shop. Pagpasok sa loob ay bahagya siyang huminto. May mga customer doon pero ilan lamang at puro lalaki. Pero gusto niyang magkape dahil ilang araw na siyang hindi nakatikim ng paborito niyang hot mocha latte.
Humakbang siya patungo sa bakanteng upuan at dinampot ang menu na nasa ibabaw ng table.
Habang pinapasadahan ng tingin ang list ng mga cake alerto siya sa paligid. Tama ang kinakapatid na si Matt, hindi niya alam kung sino ang basta na lang sasalakay upang sa
