FORGIVING
MARDE NICHOLAS LOPEZ
"SEXY LOVE, wake up we're here," sambit niya habang mahinang tinatapik ang pisngi nito. Nakatulog ang dalaga sa pag-iyak pero kahit na ganoon ay kitang-kita niya ang mga tuyong butil ng luha sa pisngi nito. Mabilis na pinunasang niya iyon bago halikan ang pisngi nito, dahan-dahang iminulat ng asawa ang mga mata at malungkot na tinignan siya. Nadudurog ang puso niya sa bawat segundong lumilipas na nakatingin ito sa kanya ng ganon, marahil nasaktan niya ang asawa dahil sa inasal niya sa mga magulang nito kanina. Nagsisisi siyang nauna ang emosyon niya kesa ang mag-isip. Hindi niya lang talaga kayang harapin ang ina lalo na at nabigla siyang makita ito kanina, hindi niya inaasahan ang mga nangyari kaya't nag-react siya nang hindi man lang nag-iisip ng mabuti.
