Windang na windang si Dion sa mga sinabi ng matandang kamuntikan na nilang nasagasaan. Nakumpirma din niyang ito rin ang matandang palaging naliligaw sa gate ng resort. Subalit hindi nagpahalata si Dion na malapit na itong maniniwala sa mga sinabi ng matanda sa kanya. Hindi niya iyon ipinakita kina Garry, Deo at Chris gusto niya kapag nagkatotoo ang mga iyon ay kumpirmado na. At dalawa lang ang maaaring mangyari kapag dumating ang araw na iyon, dalawang bagay na maaari siyang masaktan at lumigaya. Subalit alin nga ba sa kanya ang mas mahalaga, pamilya na kanyang pinanggalingan o ang kanyang binubuong pamilya.
"Malalim yata ang iniisip mo, hindi na ba kayo nagkikita ng kabit mo?" untag ni Lyree kay Dion na nasa mini bar ng bahay.
Natawa naman si Dion, kahit naman ganoon kabaliw si Lyree a
