Nakita ni Dion sina Marga at Neptali na may kausap at tila ibang lahi din ito. Mukhang masaya pa ang dalawa. Sa pambobola yata ng lalaki dahil panay ang ngiti at hagikhik ng dalawa. Dion rolled his eyes, kung pisikal lang din na kaanyuan ang pagbabasehan alam niyang mas lamang siya. Natigilan si Dion sa kanyang naiisip, bakit ba niya ikinukumpara ang kanyang sarili sa banyagang kausap ng dalawang dalaga. Nagpasya na itong lapitan sina Neptali at Marga.
"Puwede ko ba kunin selpon number mo?" narinig ni Dion na sabi ng lalaki.
Agad namang tumikhim si Dion kung kaya't napalingon ang tatlo sa kanya.
"Senyorito?!" magkasabay na bulalas nina Marga at Neptali.
"Kanina ko pa kayo hinahanap," pormal ang mukha ng binata.
"Sorry Senyorito, nag-alala pa yata kayo!" si Neptali ang nagsalita.
"Oo
