Natigilan si Lyree nang may makita itong babaeng nakatayo sa puntod ng Mommy ni Dion. Nauna siya doon at dahil manggagaling pa ng opisina si Dion saka siya pupuntahan sa puntod ni Donya Darlene. Agad na binilisan ni Lyree ang kanyang mga lakad nang makabawi ito sa pagkabigla.
"Sino ka?" diretsang tanong ni Lyree.
Kita niya kung papaano natigilan ang babaeng nasa kanyang harapan.
"Ikaw ba ang palaging nag- iiwan ng mga bulaklak dito?" muling tanong ni Lyree.
Subalit hindi pa rin nagsasalita ang babae. Kung kaya't si Lyree na ang pumunta sa harapan ng nakatalikod na babae. Ganoon na lamang ang pagkagulat ni Lyree nang makita ang mukha ng babae.
"Hindi ito totoo!" bulalas ni Lyrew sabay kuha ng kanyang mobile phone sa loob ng shoulder bag nito upang tawagan si Dion.
Ngumiti ang babae.
