Punong-puno ng pag-asa at saya ang puso ni Neptali habang inihahatid niya ng tanaw ang sasakyan si Dion paalis. Doon na nga muna siya sa resort at hindi na sasama sa kumpanya. Wala naman siyang dapat ipag-alala dahil may tiwala siya dito at respeto sa bawat desisyon na naisin nito.
"Huwag kang mag-alala Senyorita, mahal ka no'n kahit makakita pa ng magandang dilag." Mula sa likuran ni Neptali ay nagsalita si Marga.
Halos mapatili naman si Neptali dahil sa pagkagulat nito.
"Ano ba?! Papatayin mo ako sa gulat Marga!" may inis naman sa mukha ni Neptali.
Natawa naman si Marga.
"Sorry na Senyorita, hindi na po uulit." Nakangising turan nito.
"Huwag mo nga akong tatawaging Senyorita, naalibadbaran ako sa katagang iyan. Palagay ko, hindi ako bagay diyan!" pandidilat ni Neptali at palakad na
