Sobrang excited ang lahat dahil natuloy din sila sa Baguio. Napakaingay ng lahat maliban kay Neptali na pangiti- ngiti lang at maya-maya ay nakikisali sa mga kalokahan ng iba.
"Senyorito marami bang afam doon?" tahasang tanong ni Marga.
"Anong afam?" nakunot-noong tanong din ni Dion.
"Afam Senyorito ibang lahi ang ibig sabihin ni Marga." Si Yaya Carmen ang sumagot.
"Ah...so ayaw mo ng pinoy, ibang lahi ang gusto mo?" wika naman ni Dion.
"Hindi ako Senyorito, para kay Neptali sana." Turan naman ng dalaga.
Namula naman si Neptali at agad nitong inirapan si Marga.
"Bakit mo ako sinasali riyan sa sinasabi mo? Walang magkakagusto sa akin tingnan mo nga itong mukha ko!" angal naman ni Neptali.
"Asus! Madali lang 'yan, mako- cover naman ng ibang part 'yang mukha mo ang magandang concealer
