Hinilot ko ang leeg. Nag-inat ako sa di na mabilang na beses para maibsan kahit kaunti ang p*******t nito.
Mukhang kailangan ko ng Salonpas para makatulog mamaya. Kung di pa talaga uubra ay wala na akong mapagpipilian kundi uminom ng pain reliever.
Napangiwi ako sa naisip. Ayoko pa naman talagang uminom ng gamot. Kaya nga iniingatan ko ang sarili na huwag talagang magkasakit dahil takot ako sa gamut-gamot na ‘yan.
Nagpalipas muna ako ng ilang sandali sa pagkakasandal sa sofa sa locker room bago napagpasyahang umuwi na. Alas-otso na ng gabi natapos ang aking shift dahil nirelyeboan ko pa ang aking classmate na may emergency sa kanila. Aandap-andap na rin ang aking paningin dahil sa sobrang antok. Nagsisimula na ring sumakit ang aking ulo.
Tinatahak ko na ang daan palabas ng hotel pap
