Nabungaran niya ang ngiting-ngiting mukha ng kasintahan. Hinihintay lang pala nito ang pagpasok niya sa kuwarto nito. ‘Ang guwapong mokong na ito, kahit kagigising lang.’
Napahalukipkip siyang lumapit dito sa kamang kinahihigahan nito.
"Hoy, gising na. May meeting ka pa!” Inis-inisang turan sa lalaki pero hindi pa rin mapuknat ang ngiti sa labi nito. ‘Aba! Ngiting-ngiti ka pa diyan. Hmmp!’
"Naku, bumangon ka na diyan kaya," dagdag niyang turan ng bigla siya nitong hilain.
Hindi niya napaghandaan ang paghila sa kanya kaya napatimbuwang siya sa ibabaw ng kama nito. Agad siyang niyakap nito.
"I love you," bulong nito sa kanya habang yakap-yakap siya. Bigla ay napalunok. ‘Oh noh, kumain pa naman ako ng bawang sa sinangag kong kanin,’ hiyaw sa isipan. Mukhang mauuwi sa halikan ang I lov
