Carmelita
"Iyan! Iyang pinakamamahal n'yong anak ang sumira ng pamilya ko." Sigaw ko sa aking ina na tahimik na tumatangis. Pagkatapos naming mapanood ang video ay ang dami naming nakumpirma.
Si Hope talaga ang nagsimula ng lahat ng ito.
"Papatayin ko siya." Bulalas ni Theresa habang nakasalampak sa sahig. "Papatayin ko iyang bunsong anak n'yo, ma!" hiyaw nito. Tipong halos magasgas na ang lalamunan para lang maisigaw ang mga salitang iyon.
"Ano ba naman kayo! Bigyan n'yo ng chance ang kapatid n'yong magpaliwanag." Sinusubukan magpakahinahon ng aming ina, pero kami wala na kaming panahon magpakahinahon.
"Tawagan mo iyang putanginang babae na iyan, ma. Baka may ginawa siya sa dalawang bata. Baka kaya hindi pa rin nakauwi ay dahil sa kanya."
"Carolina, huwag mo namang murahin ang
