HINDI na ako nakalabas pa ng bedroom hanggang sa sumapit ang lunch time, hinatiran lang ako ni William ng pagkain at agad din itong lumabas. Pero nang sumapit ang dinner ay pinalabas na niya ako.
Pagdating ko ng dining room ay nakaupo roon si Eros, at napahinto ako sa paglapit nang magtama ang mga mata namin dalawa.
Parang bumigat ang mga paa ko sa paghakbang papalapit. Nakatingin lang sa akin ni Eros, hindi ko alam kung ano ang sinasabi ng kanyang mga mata dahil blangko lang ang kanyang ekspresyon habang tiningnan ako. Kinabahan naman ako sa hindi malamang dahilan at napaiwas na ako ng tingin na para bang nakaramdam ng pagka-guilty; hindi ko na kaya pang makipagtitigan sa kanya. Aatras na sana ako para umalis na lang ng dining area, pero bigla na lang may humawak sa kamay ko mula sa aki
