KAHIT paano ay kumalma ako nang tuluyan nang nakalayo ang speedboat sa isla at hindi ko na masyado pang marinig ang galit na pagsisigaw ni William na puno ng pagbabanta.
Pareho na kaming nakaupo ni Eros at wala nang imikan.
Gayunpaman ay kinakabahan pa rin ako sa mga posibleng mangyari. Siguradong gagawa ulit si William ng paraan para makuha ako, at kapag nangyari 'yun ay siguradong itu-torture na naman nito ako ng mas malala pa. Baka hindi na torture lang ang gawin niya sa akin at baka tuluyan na akong patayin.
“Siguradong may uutusan siya para mahuli tayo agad pagdaong natin,” mahina kong usal habang bahagyang nakayuko, hindi na ako makatingin pa ng diretso kay Eros gawa ng nahihiya ako at naiilang na sa kanyang mga nalaman sa akin, sa amin ng kanyang tito. Niligtas man niya ako, pero
